O Avó Aquilino

Vivenda de Uso Turístico

Conchada,16 , 32001

610 580 511

quecaares@gmail.com

Casa de cinco habitacións nun fermoso predio con viñedos no núcleo de Palmés.

A vivenda de aluguer turístico “O Avó Aquilino” ocupa un predio no núcleo de Palmés, unha zona de carácter rural e abundantes viñedos a 20 minutos do centro de Ourense. A leira é ideal para aloxar familias e grupos de amizades, nun espazo de gran tranquilidade coa posibilidade de gozar de rutas a pé pola zona.

O Avó Aquilino é unha casa de cinco habitacións, tres baños e un aseo distribuídos en dous andares. Na planta baixa atópase o recibidor, que dá paso a un amplo salón-comedor cun agradable recuncho de lectura e zona de bar. Ademais, o salón conta cunha gran cheminea, ideal para quentarse nos días máis fríos. Neste andar tamén se atopa a cociña, cunha gran mesa de comedor, e unha habitación con cama dobre e aseo. A planta alta á súa vez organízase en catro habitacións; dúas dobres con baño privado (unha delas con cama dobre) e outras dúas, tamén de cama dobre, conectadas por un baño compartido. Como broche final, este andar ten unha gran terraza con vistas aos bosques e montañas que rodean a leira.

A leira que rodea esta casa para aluguer turístico conta con árbores e abundantes viñedos. Existen dous patios ao redor da casa, un con gran mesa de pedra á sombra dun emparrado; un espazo perfecto para gozar de comidas ao aire libre.

O núcleo rural de Palmés atópase a uns 20 minutos do centro de Ourense e conta con servizo de autobuses urbanos.

O aluguer turístico O Avó Aquilino ten capacidade total para dez hóspedes e, ademais, admite mascotas.