Casa das Coias – A Casa
Vivenda de uso turístico
Pena do Vado, 90, 32002
Casa con capacidade de ata 8 persoas situada no núcleo de Reza, no corazón da Ruta Termal do Miño.
O alugueiro turístico Casa das Coias é unha de dous andares con capacidade para 8 persoas. As estancias da casa combinan pedra e madeira para crear un ambiente rústico con todas as modernas comodidades. A planta principal alberga 3 dormitorios: dous de matrimonio e un con dúas camas individuais, cada un decorado nun estilo diferente, onde cada detalle foi elixido con mimo para que os hóspedes se sintan como na casa. Existe a posibilidade de dispor de camas supletorias.
Na planta baixa atópase o salón-comedor, con cheminea en pedra, e a cociña: dúas estancias amplas e luminosas con acceso á terraza, desde onde se pode gozar dunha fermosa panorámica das beiras do río Miño, cos seus mananciais termais e a frondosa vexetación.
O alugueiro turístico Casa das Coias atópase na zona de Reza, nas marxes do río Miño e moi próxima ao espazo termal de Outariz e Burga de Canedo.
