Rúa da Rula

Rúa da Rula é unha finca singular situada no ourensán barrio do Couto. Un espazo exclusivo, ideal para grupos grandes e cheo de comodidades: piscina de auga salgada, pista de pádel, aparcadoiro privado…

Trátase dunha vivenda de tres andares que se aluga enteira, cunha capacidade óptima para 18 persoas. A súa incomparable situación, tan só a dez minutos a pé do centro da cidade, permite aos seus visitantes gozar da  tranquila e tradicional vida das aldeas galegas sen ter  que renunciar aos innumerables plans e propostas que ofrece unha cidade coma Ourense.

Na súa finca privada, duns 14.000 m2, preto de mil oliveiras, unha horta e unha grande variedade de árbores froiteiras (cerdeiras, laranxeiras, milgranda…) danlle a benvida ao viaxeiro que chega a casa. Unha vez dentro é hora de descubrir que se agocha tralas súas portas…