Xunto ás súas augas termais e a beleza do patrimonio monumental, Ourense namora polo carácter amable das súas xentes e o ambiente da cidade: alegre, familiar e dinámico. Outrora coñecida como a «Atenas de Galicia» pola nómina de literatos e intelectuais que tiveron aquí o seu fogar e fonte de inspiración, hoxe mantén unha apertada axenda cultural e de lecer, con citas de gran prestixio consagradas ao teatro, o cinema ou a música.

A cidade é tamén un destino excepcional para os amantes das compras, con arterias comerciais como a rúa do Paseo onde atopar boutiques de primeiras marcas en moda e complementos. A ampla tradición téxtil local e da rexión ten en deseñadores como Roberto Verino, Adolfo Domínguez ou Purificación García algúns dos seus embaixadores máis coñecidos.

  • 1 Ocio
Cultura, lecer e espectáculos
  • 2 Ocio
Calendario de festas
  • 3 Ocio
Festivais e ciclos
  • 4 Ocio
Axenda
  • 5 Ocio
De compras por Ourense
  • 6 Ocio
Ourense de noite
  • 7 Ocio
Deportes

Teatros, museos, salas de exposicións, cafés concerto, bibliotecas…

Axenda de eventos para que goces do ocio e a cultura en Ourense.

Pola súa condición de encrucillada de camiños, Ourense foi historicamente terra de comerciantes… unha tradición que hoxe goza de excelente saúde. Saír de compras pola cidade segue a ser un auténtico pracer, cunha oferta variada en cómodas rúas peonís onde destacan os escaparates de moda, calzado e complementos.

Aos que vos gusta deitarvos tarde e preferides explorar a vida nocturna da cidade, descubriredes por que Ourense se coñece como a «terra da chispa». Aquí gusta moito a festa, e sexa para tomar algo en boa compañía ou para saír a bailar, sempre atoparedes un local ao voso gusto e unha escusa para atrasar a volta a casa.

Actividades, competicións e instalacións deportivas en Ourense