Sala de Exposicións AFundación

Sala de exposicións situada na Casa Fermín, un fermoso edificio de estilo Modernista deseñado polo arquitecto Daniel Vázquez Gulías que se atopa na Praza Maior de Ourense.

Esta construción conserva a súa histórica fachada, pero o seu interior foi totalmente reformado para transformalo nun espazo diáfano de liñas modernas. O espazo expositivo repártese en tres andares, albergando un total de 350 metros cadrados. Acolle múltiples exposicións temporais nas que teñen especial protagonismo a arte, a cultura, a historia e a sociedade de Galicia en xeral, e de Ourense en particular.

Desde a Praza Maior éntrase directamente á sala de exposicións principal, unha nave de columnas desde a que se accede ao soto, un espazo diáfano que tamén se utiliza para exposicións. Ademais, nos laterais da nave principal hai senllos faiados que amplían a superficie de exposición e que albergan obradoiros.

Forma parte das instalacións culturais que a Fundación Abanca ten en Ourense. Ademais desta sala de exposicións destaca a sede desta fundación na cidade, situada na próxima praza de Bispo Cesáreo, e que se sitúa nun dos edificios máis representativos do modernismo galego, a Casa Junquera, tamén deseñada polo arquitecto Daniel Vázquez Gulías.

Podes consultar a programación actual desta sala e doutros centros expositivos da cidade de Ourense na nosa Axenda.