Igrexa de Santa María de Reza

A igrexa parroquial de Santa María de Reza ocupa unha posición privilexiada na aba do monte Santa Ladaíña, nun lugar con bonitas vistas sobre o río Miño. Aparece xa mencionada en documentación do século XIII. A colección de Tesouros da Catedral conserva a Virxe de Reza, unha talla en madeira policromada tamén do século XIII, o cal contribúe tamén a datar aquí a igrexa.

Aínda que románica en orixe, esta igrexa parroquial foi amplamente reformada despois nos estilos barroco e neoclásico. Da súa construción románica atopamos elementos no muro sur, sobre todo nos canzorros. Estes teñen motivos xeométricos, vexetais e figurativos, entre os que se distingue a cabeza dun porco e unha cabeza humana.

No interior, románico, mantéñense as ménsulas que sosteñen a tribuna e a pía bautismal..