Termas A Chavasqueira

Campo da Feira S/N, 32001

Temporalmente pechado

988 214 821

chavasqueirarecepcion@yahoo.es

www.termaschavasqueira.com

Por causa do grave incendio producido o 24 de abril de 2019 estas instalacións están temporalmente fóra de servizo

ACTUALIDADE: Por causa do grave incendio producido o 24 de abril de 2019 estas instalacións atópanse temporalmente pechadas. Podes consultar as termas abertas na cidade de Ourense neste enlace

As Termas de A Chavasqueira atópanse no Paseo Termal de Ourense, un sendeiro peonil nas beiras do río Miño que empeza a poucos metros da Ponte do Milenio. e que se caracteriza polas súas múltiples zonas termais.

As Termas da Chavasqueira reproducen unha casa de baños tradicional xaponesa, un onsen no que gozar da auga nun ambiente tranquilo e de inspiración zen, cunha coidada arquitectura centrada na madeira e a pedra. Este circuíto lúdico-termal organízase en:

  • Rotenburo: combinación de tres piscinas construídas en pedra ao aire libre, con auga a 41º C
  • Ofuro: bañeira interior en pedra, con auga a 39º C
  • Templarium: sauna zen de pedra e laxa a 40º C e 70% de humidade
  • Sudarium: sauna xaponesa de pedra e madeira a 45º C e 85% de humidade

Os visitantes poden completar a experiencia de baño cunha masaxe ou os tratamentos de beleza que se ofertan.

Dous mananciais a 60º e 61º alimentan estas instalacións, con augas de mineralización media bicarbonatadas, sódicas, fluoradas, litínicas e sulfuradas.