A Chavasqueira

ACTUALIDADE: Estas termas están pechadas debido a crecida do río Miño.

A Chavasqueira é o primero espazo termal que atoparemos no Paseo Termal do río Miño, só uns poucos metros logo da espectacular Ponte do Milenio. Trátase do espazo termal de baño nas marxes fluviais máis próximo ao centro urbano: un conxunto de pequenas piscinas ao aire libre construídas en pedra e rodeadas pola vexetación de ribeira e o sons do Miño.

Os vasos para o baño, no que a auga rolda os 40° de temperatura, atópanse nunha gran zona axardinada nas marxes do Miño, un lugar perfecto para descansar e tomar o sol. O espazo conta, ademais, con vestiarios, aseos e consignas á disposición das persoas usuarias, así coma unha fonte de auga potable. A Chavasqueira é tamén das zonas máis facilmente accesibles, pois conta con parada de bus urbano e aparcadoiro gratuíto nas inmediacións.

Un espazo termal con moita tradición

A Chavasqueira nútrese dun manancial termal mineromedicinal coñecido desde moi antiguo en Ourense, e que lle valeu a zona o nome de «Caldas do Bispo». O título fai referencia ao Cardeal Quevedo, quen no século XIX ordenou acondicionalas para maior comodidade dos enfermos que acudían ao lugar buscando a cura termal.

O propio bispo mesmo adecuou un espazo para o seu goce privado, un fornelo de pedra que se pode ver no interior das veciñas Termas da Chavasqueira. O conxunto está ademais intimamente ligado ao xa desaparecido balneario das Caldas.

Xunto a beira do río, xa na auga, asómase a escultura dunha serea, obra do escultor Acisclo Manzano. Dependendo do caudal ás veces pode verse enteira ou so asomando cabeza e cola no río.