Outariz e Burga de Canedo
Lugar de Outariz, S/N, 32001
De 10.00 a 20.00 h
O espazo termal máis grande de Ourense, con termas ao aire libre listas para o baño.
ACTUALIDADE: Instalación parcialmente aberta (zona de Burga de Canedo).
O espazo termal de uso lúdico de Outariz e Burga de Canedo é o máis grande da cidade, con múltiples espazos para o baño que se estenden pola marxe dereita do río Miño. Trátase de dous conxuntos de vasos termais ao aire libre situados nunha gran área recreativa axardinada.
A sección de Outariz conta cun vaso de auga fría e tres de auga quente, mentres que na Burga de Canedo conviven un vaso de auga fría e tres dobres de auga quente.
A zona de baño dispón de vestiarios con consignas e aseos a disposición dos usuarios. O acceso é gratuito aínda que existe un límite de capacidade, e para utilizar estas termas é preciso bañador, chancletas e toalla. No caso de querer utilizar as consignas hai que levar un cadeado. Non está permitido o acceso a menores de 10 anos.
As augas que xurden neste espazo son de mineralización débil, hipertermais, biocarnonatadas sódicas, fluoradas e sulfuradas. Afloran en varios puntos entre as gretas da roca granítica, con amplos caudais cunha temperatura ao redor dos 60º C. O pH en Outariz é 7.98 e en Burga de Canedo 7.88.
Contraindicacións:
Grave estado xeral da persoa usuaria – Embarazo – Convalecencia tras enfermidades graves, traumatismos importantes, postoperatorios, tras un ciclo de quimioterapia ou radioterapia. – Hipertensión, hipotensión e/ou afeccións cardíacas en grado moderado ou severo – Insuficiencia venosa en grado moderado ou severo – Feridas abertas ou recentes, sen protección impermeable.
Espazo termal de uso exclusivamente lúdico. Prohíbese expresamente a prestación de servizos terapeúticos.
En todo caso, recoméndase contar con consello médico antes de empregar as instalacións
Como chegar
A zona de Outariz e Burga de Canedo é de acceso peonil. Está localizada no extremo do Paseo Termal máis lonxano do centro da cidade, do que dista uns 5 kilómetros.
O aparcadoiro máis próximo é o de Reza/Outariz (Pozas de Maimón), situado ao outro lado do río Miño, a uns 600 metros desta zona termal. Existe unha pasarela peonil que une ambas beiras do río. Ver en mapa
Tamén é posible aparcar na contorna de Muíño da Veiga, que se atopa na mesma marxe do Miño, aínda que está algo máis afastado (a uns 1.300 metros). Este espazo non é apto para autobuses. Ver en mapa
Ambos estacionamentos son gratuítos.
Tamén é posible acceder con transporte público. O máis cómodo é o Tren das Termas, que ten como destino final as inmediacións destas termas.
Outra opción é a liña 5 dos autobuses urbanos, que ten parada no estacionamento de Reza/Outariz. Podes consultar en máís detalle as formas de chegar até Outariz e Burga de Canedo nesta ligazón.
LEMBRA:
Os baños termais atópanse nunha zona peonil. Ao realizar a busca no XPS inclúe os termos «estacionamento» ou «aparcadoiro» xunto co nome das termas para dirixirte aos estacionamentos máis próximos.
Horario
De 10.00 a 20.00 h
Transportes
Zona peonil
Aparcadoiro gratuíto: Muíño da Veiga, Pozas Maimón
Tren das Termas (L19)
Acceso gratuíto
Non permitido a menores de 10 anos
Declaración de agua termal e mineromediciñal: Resolución do 4 de xaneiro de 2013 (DOG nº36, 20-02-2013)
A arteria verde da cidade concentra numerosos espazos termais onde descansar e desconectar da rutina.