![](/wp-content/uploads/2018/10/acorn-autumn-blur-247553-1420x430.jpg)
Destacados de Novembro
A axenda coas principais actividades culturais e eventos de Ourense en novembro.
Cada ano o outono trae numerosas actividades á cidade de Ourense, que sumadas ás súas propostas turísticas tradicionais (benestar, gastronomía, cultura, comercio…) convértena no destino ideal para visitar durante esta época do ano.
A continuación, algunhas das actividades que poderás atopar en Ourense este mes de novembro:
![](https://www.turismodeourense.gal/wp-content/uploads/2023/10/CATA-A-ARTE-OURENSE.jpg)
Cata a Arte
Xoves de novembro
Cada xoves de novembro o Centro Cultural Marcos Valcárcel acolle presentacións e degustacións dunha adega da Denominación de Orixe Ribeiro, amenizadas por unha actividade cultural (poesía, música ou maxia). Máis información e inscricións: Centro Cultural Marcos Valcárcel
![](https://www.turismodeourense.gal/wp-content/uploads/2019/01/boton-xantar-negro.jpg)
Xantar – Salón Internacional de Turismo Gastronómico
2-5 novembro
Con 24 edicións, Xantar é a feira culinaria por excelencia de Galicia, e a única feira de turismo gastronómico acreditada da Península Ibérica. Conformada por múltiples propostas nacionais e internacionais, inclúe degustacións, showcookings, menús especiais, formación e outras actividades que poderás consultar na súa web: xantar.org
![](https://www.turismodeourense.gal/wp-content/uploads/2023/04/bannerjazz2023.png)
Jazz no Latino
Novembro
O Café Latino mantén a súa programación de concertos de jazz ao longo deste mes. Será o turno do guitarrista estadounidense Mike Stern (días 6 e 7), a saxofonista Camille Thurman (día 13) e o baixo Kin García (día 23). Máis información na súa páxina web.
![](https://www.turismodeourense.gal/wp-content/uploads/2023/10/torgal-200x200.jpg)
Concertos Aniversario do Café Torgal
Novembro-Decembro
Novembro-Decembro
Debido á calidade das súas propostas o Café Torgal converteuse nun dos establecementos culturais de referencia na cidade de Ourense. Durante os meses de novembro e decembro celebra o seu vixésimo aniversario cunha completa axenda de concertos. Máis información na súa páxina web.
![](https://www.turismodeourense.gal/wp-content/uploads/2023/10/Magosto-Ourense-2023.jpg)
Magosto
11 de novembro
Festa de Interese Turístico de Galicia, trátase dunha celebración de orixe pagá que honraba a chegada das colleitas do outono. Durante o mes de novembro, e en especial o día 11 (día de San Martiño, patrón da cidade), os montes próximos a Ourense énchense de fogueiras ao redor das que se goza das castañas asadas, chourizos e viño novo. Consulta o programa completo nesta ligazón.
![](https://www.turismodeourense.gal/wp-content/uploads/2023/10/CHINITA-2023-2-200x200.jpg)
Feira da Chinita
12 de novembro
Os amantes da cultura e a gastronomía venezolana teñen unha cita en Ourense coa Feira da Chinita. Este evento, de acceso gratuíto, terá lugar no Campo da Feira o domingo 12 de novembro a partir das 12 h. Os asistentes poderán degustar comida típica venezolana e gozar dun amplo abano de actividades que inclúen música en vivo, DJs. comercio e actividades para nenos.
Carreira de San Martiño
12 de novembro
Esta carreira pedestre popular, a máis antiga de Galicia, celebra este ano a súa 45ª edición. Como cada ano o seu percorrido de 10 quilómetros transcorre por lugares tan emblemáticos da cidade como a Ponte Romana, a Ponte do Milenio ou a Praza Maior. Inscricións e máis información nesta ligazón.
![](https://www.turismodeourense.gal/wp-content/uploads/2016/04/09.Termas-de-Ourense-1.jpg)
Tempo de termas
Todo o ano
Calquera época do ano é boa para visitar as termas de Ourense, pero o clima outnaal é especialmente idóneo para gozar dunha auténtica experiencia termal. Información sobre as Termas de Ourense