Festas de Ourense 2017

21 concertos en nada menos que 9 días. As Festas Grandes de Ourense pisan forte este ano, cun apertadísimo cartel onde a música será a raíña absoluta, cunha ampla oferta de concertos nos que as bandas locais convivirán con grupos consagrados do panorama nacional e internacional. As celebracións inícianse o día 24, cun pregón inaugural a cargo do actor ourensán Sergio Pazos. Musicalmente, o disparo de saída darao outro galego, o artista Iván Ferreiro, que estará a actuar na Praza Maior.

Este espazo central en Ourense será tamén o corazón das festas, concentrando boa parte dos concertos previstos, todos eles gratuítos fóra da actuación da banda Sweet California (domingo 30 – Xardín do Posío). Burning, Los Diablos, Carlos Jean, Caxade ou León Benavente son algúns dos nomes que completan o cartel musical destas festas. O día 1, ademais, volve unha nova edición do Enofestival Ourense, un evento onde a boa música en directo marida con viños das catro denominacións de orixe da provincia. Arizona Baby, McCarballo Band e The Limboos serán as bandas convidadas este ano ao escenario do Centro de Intepretación das Burgas.

Xa podedes descargar o programa destas Festas 2017

Descarga 2,1Mb

Ourense, máis que nunca, un #PlanPerfecto

Batalla de Flores e outras actividades infantís

O día 1 terá lugar a tradicional Batalla de Flores, unha das citas máis antigas e queridas das festas ourensás, un desfile de cor e fantasía polas rúas do centro onde os protagonistas son os nenos e nenas. O programa de actividades infantís para estas datas complétase con maxia, teatro e circo na rúa, concertos didácticos e un espazo específico para bebés, unha carpa para xogo libre instalada nos Xardíns do Pai Feijóo.

Ourense Street Foud: a festa do sabor

O acento gastronómico destas festas chegará en forma de food trucks, que estarán instaladas durante estes 9 días cunha variada e sorprendente oferta culinaria para todos os gustos. O espazo contará con animación propipa, concertos, actividades infantís, un mercado efémero de arte e moda e un espazo reservado ás adegas ourensás e o viño de autor.
+ info en https://www.facebook.com/ourensestreetfoud/

O deporte, que non falte

Algunhas das citas deportivas para estes días son o Trofeo Internacional de Wushu, competicións de aeromodelismo e drones no circuíto de Santa Mariña, o Trofeo Corpus de escalada ou unha nova edición da carreira pedestre popular pola zona centro, dentro do circuíto Correndo por Ourense. O día 24 máis de 500 padeeiros participarán no XIX Descenso do Río Miño, proba puntuable na liga galega de piragüismo e que este ano coincide ademais co II descenso popular que cobre o tramo Varra de Miño-Velle.

Feira medieval e fogos artificiais

O programa de Festas só estaría incompleta sen dúas citas clásicas para estas datas: o mercado medieval, que encherá de aromas e cor as rúas do Centro Histórico a partir do día 29, e os fogos artificiais. Este espectáculo pirotécnico que desde hai anos anuncio o remate das festas, poderá verse na noite do sábado 1, a partir das 00.30h, cando as luces iluminen o ceo nocturno e os arcos da Ponte Vella.

Axenda de actividades musicais