Información COVID-19

Aquí atoparedes información de interese relacionada co escenario post COVID-19 e as medidas de prevención adoptadas.

Actualizado 28 xullo 2021

RESTRICIÓNS ACTUAIS

  • Ourense atópase en nivel de restriccións alto. Podedes consultar aquí o mapa de restricións para Galicia municipio a municipio.
  • Non existen restricións de circulación e tránsito entre o municipio de Ourense e outros concellos do seu mesmo nivel das áreas sanitarias galegas, así como tampouco entre comunidades autónomas ou con Portugal.
  • Grupos limitado a un máximo de 10 persoas en espazos exteriores e de 6 en espazos pechados, agás convivintes.
  • Hostalaría e restauración abertos até as 01.00 h (entrada últimos clientes ás 00.00 h).
  • Consumo en interior con limitación ao 50%. As persoas maiores de 12 anos deberán presentar certificado (pauta de vacinación completa, pasar o COVID-19 ou PDIA negativa nas últimas 72 horas). Consumo en terraza ao 50% sen presentación de certificado.
  • Actividades comerciais até as 21.30 h.
  • Albergues turísticos cun límite de capacidade do 30%. Zonas comúns de hoteis, albergues e aloxamentos turísticos, 50% de capacidade.
  • Permítense visitas guiadas e outras actividades turísticas en grupos de até 8 persoas, excluído o/a monitor/a.

Atención a visitantes

Como parte do protocolo de actuación do goberno rexional de Galicia, é preciso que os viaxeiros (sexan ou non residentes na comunidade) que proveñan ou estivesen nos últimos 14 días en territorios de alta incidencia epidemiolóxica por COVID-19 proporcionen os seus datos de contacto ás autoridades sanitarias galegas nun prazo máximo de 24 horas desde a súa chegada. Este formulario debe cubrirse independentemente de que a persoa presente ou non síntomas compatibles coa COVID-19.

A información pode darse a través do formulario dispoñible na web coronavirus.sergas.gal/viaxeiros ou chamando ao teléfono 881 00 20 21. Os territorios que se consideran de alta incidencia epidemiolóxica poden consultarse aquí e actualízanse de forma quincenal.

A obrigatoriedade de achegar esta información está recollida na Orde de 27 de xullo de 2020 da Consellería de Sanidade da Xunta de Galicia (DOG nº 150).

+ información en https://www.sergas.es/A-nosa-organizacion/Benvida-viaxeirxs

ENCHER FORMULARIO

Espazos termais

Desde o 26 de febreiro, Termas de Outariz volve abrir cunha capacidade reducida do 30% e seguindo estritamente un protocolo de seguridade e hixiene. Mantén a súa tarifa habitual (5,70 €) e o seguinte horario de apertura:

  • Luns, mércores, xoves e venres: de 10.00 h a 23.00 h.
  • Sábado e domingo: de 9.00 h a 23.00 h. Martes pechado.

O resto de espazos termais da cidade atópanse, por agora, fóra de servizo. Irémosvos avisando conforme haxa cambios.

Recursos turísticos

A meirande parte de centros expositivos, museos e recursos turísticos xa volveron abrir e recibir visitas, incluída a Catedral de San Martiño.

Lembrámosvos que na Oficina Municipal de Turismo estamos á vosa disposición para informarvos previamente e resolver as vosas dúbidas. Podedes contactarnos no teléfono 988 366 064 e o correo electrónico turismo@ourense.es. Tamén podedes facernos chegar as vosas dúbidas a través do formulario web.

A nosa Oficina permanece aberta co seu horario habitual: de 9.00 a 14.00 h e de 16.00 a 20.00 h de luns a venres e de 11.00 a 14.00 h fins de semana e festivos.