Refréscate en Ourense

Piscinas Municipais de Oira

23 XuÑo – 10 setembrO | De 11h a 21h | GratuÍtas

Enderezo: Paseo da Praia Fluvial s/n. Oira (Ourense). Localización

Piscinas municipais de acceso libre e gratuíto, que contan cun aforo máximo de 1.800 persoas.

Piscinas BeOne Oira

22 XuÑo – 10 setembrO | De 12h a 21h | PreZo: de 3 a 6 €

Enderezo: Padel Oira. Paseo da Praia Fluvial s/n. Oira (Ourense). Localización

Piscinas privadas que forman parte do complexo deportivo Padel Oira. A entrada custa 6 € para adultos e 3 € para menores, xubilados e pensionistas. Máis información no tel. 988 218 600

Piscina Pavillón dos Remedios

19 xuño – 15 setembro | De 11h a 21h | Prezo: 3 €

Enderezo: Avda Pardo de Cela, 2. Localización.

Piscina municipal que se atopa no complexo deportivo dos Remedios, xunto á Ponte Romana. Ademais desta piscina exterior, o pavillón dos Remedios conta con piscinas cubertas de uso deportivo.

Chorros de auga

15 XUÑo – 15 setembrO | De 10h a 21h | GratuÍto

Enderezo: Parque Infantil. Alameda do Cruceiro / Rúa Concello s/n. Localización.

En pleno centro da cidade, atoparás uns divertidos xogos de auga que fan as delicias dos cativos. Durante os meses de xullo e agosto este parque tamén acollerá actividades de dinamización infantil, de luns a venres de 19h a 20h.

Praia da Antena

EspaZo aberto

Enderezo: Paseo das Ninfas s/n. Localización.

Zona de esparcemento á beira do río Miño, moi popular para tomar o sol. Dispón de céspede e duchas para refrescarse. Non conta con vixilancia e o baño pode ser perigoso debido ás características do río.

Máis opcións refrescantes

Ourense dispón doutras opcións para o baño, como poden ser as termas da cidade ou as diferentes instalacións que ofrecen aloxamentos como a piscina do Hotel Exe Auriense (de uso exclusivo de hóspedes) ou a zona de spa do Hotel IMI (aberta ao público xeral).