Ioga Termal nas Burgas

Cando e onde?

De 11.00 a 12.30 h na piscina termal das Burgas os seguintes sábados:

• • 16 febreiro – 2 marzo – 16 marzo – 6 abril – 20 abril – 4 maio – 18 maio – 1 xuño

En que consiste?

Trátase de sesións en grupo dunha hora e media de duración nas que se desenvolve o Método Wellness®, unha práctica que combina ioga e termalismo. Consiste na realización e mantemento de exercicios físicos, relaxando e estirando os músculos para eliminar tensión, achegar flexibilidade e acadarque todo o corpo se sinta mellor de forma instantánea, grazas tamén aos beneficios que achegan as augas termais en articulacións, ósos, músculos e pel. Realízanse, ademais, prácticas de respiración que amplían a capacidade pulmonar mellorando a osixenación.

Na última parte desenvólvense técnicas de concentración e relaxación para acougar a actividade mental, combater a tensión, equilibrar o sistema nervioso e crear un espazo de paz interior. Gongs e cuncas tibetanas incorporan ademais os beneficios da musicoterapia, contribuíndo a mellorar o noso benestar.

A participación nestas sesiones é gratuíta e o espazo é limitado.

A quen vai dirixido?

Esta actividade está aberta para todas aquelas persoas que poidan facer uso das termas, previa consulta médica. Os menores deberán ir acompañados dun adulto e ser maiores de 7 anos.

Que preciso?

O habitual para acudir a unha sesión de baño nos espazos termais de Ourense: bañador, toalla, chanclas e ganas de relaxarse e #deXconectar.

Lembrámosvos que o uso das termas é sempre baixo a vosa responsabilidade e que é recomendable que consultedes antes co voso médico de cabeceira.

Tamén vos recomendamos ser puntuais, xa que se trata dunha actividade con espazo limitado.