![](/wp-content/uploads/2017/04/Parque_San_Lazaro_1992-1024x430.jpg)
Destacados de Marzo
Os actos da Semana Santa e o Dia da Muller marcan a axenda do mes de marzo en Ourense, pero hai outras moitas actividades para gozar desta cidade: música, cinema, poesía, teatro, arte...
O mes de marzo vén protagonizado polas actividades vinculadas á celebración do Día da Muller e da Semana Santa. Pero existen outras moitas actividades de todo tipo para gozar deste mes na cidade de Ourense. Aquí che presentamos algunhas ideas:
![Eventos Ourense MICE](https://www.turismodeourense.gal/wp-content/uploads/2022/10/auditorio-ourense-200x200.jpg)
Programación do Auditorio
A música e o humor centran a programación do Auditorio no mes de marzo, na que destaca o concerto do grupo leonés Café Quijano.
![](https://www.turismodeourense.gal/wp-content/uploads/2022/12/Teatro-Principal-200x200.jpg)
Programación do Teatro Principal
A programación deste espazo cultural inclúe música, ópera e teatro, destacando o recital de Xabier Díaz & Adufeiras de Salitre.
![](https://www.turismodeourense.gal/wp-content/uploads/2023/11/CINECLUBE-PADRE-FEIJOO-OURENSE-200x200.png)
Programación do CineClube Padre Feijóo
O Cineclube Padre Feijóo continúa coa súa programación de cinema de autor en versión orixinal subtitulada. Máis información no blog desta asociación.
![](https://www.turismodeourense.gal/wp-content/uploads/2016/04/boton-cultura-200x200.jpg)
Exposicións do mes
Aquí che presentamos as diferentes exposicións que podes atopar este mes na cidade de Ourense.
![](https://www.turismodeourense.gal/wp-content/uploads/2024/02/Ourense-Dia-de-la-Mujer-8M_2024-200x200.png)
Día da Muller
Co gallo do Día Internacional da Muller, que se celebra o 8 de marzo, o Concello de Ourense, así como outras entidades, promoven numerosas actividades para conmemorar esta data. Podes consultar a programación do Concello nesta ligazón.
![](https://www.turismodeourense.gal/wp-content/uploads/2024/02/Madamitas-Ourense-San-La%CC%81zaro-festa-1938-200x200.jpg)
Festas de San Lázaro
Domingo, 17 de marzo
O día de San Lázaro, a cidade acolle unha popular romaría que enche o parque do mesmo nome de postos de rosquillas, lambetadas e abelás. Tras o acto relixioso, a xornada festiva, amenizada por gaiteiros e cabezudos, acada o seu cumio coa Queima das Madamitas, senlleiro rito no que peculiares figuras de papel, tras virar a gran velocidade, estalan estrepitosamente para xúbilo dos asistentes. Máis información nesta ligazón.
![](https://www.turismodeourense.gal/wp-content/uploads/2017/09/semana-santa-18-cuadrado-200x200.jpg)
Programación Semana Santa
Do 24 ao 31 de marzo
O Domingo de Ramos unha multitudinaria bendición no Parque de San Lázaro dá inicio á programación relixiosa da Semana Santa, aínda que é a partir do Xoves Santo cando se suceden as principais procesións. Unha das máis destacadas é a coñecida como Cerimonia do Desplante, que ten lugar o Domingo de Resurrección, e que evoca o convulso pasado no que se enfrontaban o poder civil e o eclesiástico da cidade. Máis información nesta ligazón.
![](https://www.turismodeourense.gal/wp-content/uploads/2019/05/esculturas-leiteira-2-200x200.jpg)
E moito máis…
Aínda queres máis? Atopa outras actividades: música, circo, literatura, poesía, deporte, artesanía, tertulias, obradoiros infantís…
Botas algo en falta? Se queres incluír algunha actividade da cidade de Ourense, escríbenos a:
turismo@ourense.es
Hai cousas que non deberiades perder na vosa visita a Ourense. Aquí deixámosvos só dez… pero quedaredes con ganas de máis.
Coa choiva poderás gozar de experiencias únicas que só che ofrece Ourense. Presentámosche aquí algúns plans e ideas para sacar o máximo partido aos días chuviosos na cidade.